Ֆլորա Բաղդասարյան
Ֆլորա Բաղդասարյան | |
|---|---|
| Ծնվել է | օգոստոսի 2, 1936 (88 տարեկան) |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն |  Հայաստան |
| Կրթություն | Փանոս Թերլեմեզյանի անվան գեղարվեստի պետական քոլեջ |
| Մասնագիտություն | նկարչուհի |
| Պարգևներ | ՀՀ «Գրիգոր Լուսավորիչ» շքանշան |
| Անդամակցություն | Հայաստանի նկարիչների միության անդամ ՅՈՒՆԵՍԿՕ-ի նկարիչների միության անդամ |
| Ամուսին | Վլադիմիր Գրիգորյան (նկարիչ) |
Ֆլորա Լիպարիտի[1] Բաղդասարյան (օգոստոսի 2, 1936, Երևան, Հայկական ԽՍՀ, ԱԽՖՍՀ, ԽՍՀՄ), հայ գեղանկարիչ։ Հայաստանի նկարիչների միության անդամ (1972), ՅՈՒՆԵՍԿՕ-ի նկարիչների միության անդամ (1998)։
Գեղանկարիչ Վլադիմիր Գրիգորյանի կինը։
Կենսագրություն
[խմբագրել | խմբագրել կոդը]Ֆլորա Բաղդասարյանը ծնվել է 1936 թվականին Երևանում։ 1957 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1958 թվականին՝ պրոֆեսոր Անատոլի Պապյանի արվեստանոցը։ Աշխատել է կերպարվեստի բոլոր ժանրերում, առավելապես՝ դիմանկարի ժանրում։ 1961-1974 թվականներին ամուսնու հետ ապրել և աշխատել է Ղազախստանում, 1992-1993 թվականներին նկարիչ ամուսինները Ավստրալիայում նկարազարդել են Սիդնեյի հայկական Կաթոլիկ Սուրբ Աստվածածին եկեղեցու որմնանկարները։
Ֆլորա Բաղդասարյանի աշխատանքները գտնվում են Հայաստանի ազգային պատկերասրահի ֆոնդում, Վանաձորի պատկերասրահում և Մոնղոլիայում[2][3]։
|
Իմ նկարներում գերակշռում են կանանց ու մանուկների կերպարները, դա ինձ ավելի հոգեհարազատ թեմա է։ | 
|
Ստեղծագործություններ
[խմբագրել | խմբագրել կոդը]- «Փախստականներ»
- «Մայր Թերեզա»
- «Երաժշտություն»
- «Երաժիշտները»
- «Աղոթք»
- «Աստվածամայրը մանկան հետ»
- «Աղջիկը գլխարկով»
- «Նկարիչ Վլադիմիր Գրիգորյանի դիմանկարը»
Պարգևներ
[խմբագրել | խմբագրել կոդը]- ՀՀ «Գրիգոր Լուսավորիչ» շքանշան, 1993
Ցուցահանդեսներ
[խմբագրել | խմբագրել կոդը]Անհատական ցուցահանդեսներ է ունեցել Ղազախստանում (1971, երկու անգամ), Մոսկվայում (1989, 1990), Սիդնեյում (1992, 1993), Փարիզում (1998, 2001), Երևանում (2011, 2012, 2015[4])։
Ծանոթագրություններ
[խմբագրել | խմբագրել կոդը]- ↑ «Ֆլորա Բաղդասարյանի անձնագրային տվյալները ՀՀ կենտրոնական ընտրական հանձնաժողովի կայքում». Արխիվացված է օրիգինալից 2016 թ․ նոյեմբերի 25-ին. Վերցված է 2016 թ․ մայիսի 13-ին.
- ↑ «Zarkfoundation - Ֆլորա Բաղդասարյան». zarkfoundation.com.
- ↑ ««Ամեն նկար մի պատմություն է». Նկարիչ ամուսիններ Վլադիմիր Գրիգորյանի և Ֆլորա Բաղդասարյանի մասին». Առավոտ - Նորություններ Հայաստանից. Վերցված է 2016 թ․ մայիսի 13-ին.
- ↑ cultural. «Ապրիլի 7, 19:00 Ֆլորա Բաղդասարյան. «Քնքշանք» խորագրով ցուցահանդես». cultural.am. Վերցված է 2016 թ․ մայիսի 13-ին.(չաշխատող հղում)